Nescafe со најкреативен маркетинг во Македонија?

522033_10151358798732617_554740230_n

Драго ми е што овој пат ќе пишувам за еден креативен маркетиншки проект кој моментално се спроведува од Nescafe. Станува збор за промоција на нивните два нови вкуса од серијата инстант кесички – долго макијато 3/1 и кратко еспресо 2/1. Некои од жителите на населбата Аеродром во Скопје добија флаерче закачено на нивната влезна врата и на него биле закачени кесичките со двата нови Nescafe вкуса.

Дегустацијата е еден од најефективните начини за промоција на нов прехрамбен производ. Наместо стандардното место за дегустации – супермаркетите, Nescafe ја активирале креативноста и ги изненадиле своите потенцијални потрошувачи со тоа што дегустацијата им ја овозможле во нивниот дом. Тие на овој начин тие ја избегнуваат агресивноста на промотерите и го подобруваат својот имиџ кај потрошувачите со тоа што кај нив будат позитивни емоции – „Штом сум добил подарок, тогаш оваа компанија мене ме цени“. Тргнувајќи од оваа емоционална точка, потрошувачите ќе бидат многу поподготвени да купат било кој Nescafe производ, не само овие два вкуса.

Морам да спомнам дека ова не е прва креативна кампања на Nescafe и оваа линија на производи. Пред неколку години, кога се претставуваа 3/1 кесичките на македонскиот пазар, помнам дека  ситилајтите во центарот на Скопје беа преоблечени со огромни 3/1 кесички. Од тогаш па наваму не сум видел друга креативна интерпретација на ситилајтовите како адвертајзинг медиум и затоа можам да кажам дека Nescafe во Македонија е една од ретките компании која е спремна да превземе креативни ризици и да погледне на маркетингот од поинаков агол.

Која е последната креативна маркетинг кампања во Македонија што ви оставила силен впечаток?

P.S. Благодарност до Марија Панкова која ми даде информации за оваа кампања и која воедно го фотографираше флаерот

Брендот Dukat со PR офанзива

Dukat PR офанзива

Хрватскиот бренд – Dukat (сопственост на Sombolend која пак е сопственост на Lactalis) со PR офанзива во Македонија месец дена откако нивните производи беа повлечени од македонските маркети. Овој текст е објавен во списанието Теа Модерна – 20 март 2013.

Во текстот не може да се пронајде извинување упатено до потрошувачите. Наспроти тоа, акцентот е ставен врз сите чекори кои компанијата ги преземала за да се осигура за исправноста на нивните производи и вели дека проблемот не потекнува од нив туку дека потекнува од несоодветната сточна храна и дека овој проблем е широкораспространет во овој регион. Во текстот дополнително се спомнува  дека компанијата самоиницијативно инсталирала систем за проверка на квалитетот на нивните производи, па така сега тие се двојно проверени.

Треба да земеме предвид дека зголемено присуство на афлатоксинот М1 беше пронајдено кај околу 40 производи во Србија  со што беа зафатени 6 млекари. И покрај тоа што зголеменото ниво на афлатоксинот М1 беше пронајдено само во еден производ од овој бренд, млекото Дукат 7 витамини,  компанијата се одлучи самоиницијативно да ги повлече сите свои млека од пазарот се додека не се инсталира системот за дополнителна контрола.

Овој потег, иако добронамерен, испрати сигнал за паника кај потрошувачите. Најпрвин, контаминираните количини од млекото Дукат 7 витамини никогаш не стигнаа до потрошувачите бидејќи во времето кога државната Агенција за храна и ветеринарство ги вршеше контролите, контаминираните количини беа само во нивните магацини.  Второ, иако потегот е доброволен и добронамерен, со него компанијата испрати јасен сигнал на сомнеж во исправноста на своите производи. Така, во текстот објавен во Теа Модерна, како што и самите велат штетата што ја предизвика овој настан за нив е огромна. Се чини дека брендот Дукат го прими најголемиот удар од скандалот кој го потресе целиот регион.

Друга причина зошто ударот беше толку голем за овој бренд е самото именување на производите и бројот на прозиводи кои настапуваат под истиот бренд. Доколку се разгледа производното портфолио на оваа компанија, ќе видиме дека под брендот Дукат се произведуваат околу 50тина производи. Дополнително, овие производи се именувани со генерички имиња како „Дукат свежо млеко“, „Дукат јогурт“, „Дукат овошен јогурт“ и некои варијанти од основата „Дукат“ како на пример „Дукатело“. Оваа стратегија, иако е одлична за препознатливоста на самиот бренд, во случај на ваков скандал, самата стратегија од предност се метаморфозира во ахилова пета. Оваа опасност ги демне скоро сите млекари во регионот, вклучувајќи ги и македонските.

Иако компанијата сега се труди со сите свои сили да ја санира несаканата штета, вклучувајќи и вметнување на знак „Двојно проверени“ на самата амбалажа на млеката,  изгледа дека сеуште е рано за враќање на довербата кај потрошувачите. Јасен пример за тоа се реакциите  по социјалните медиуми:

Реакции од потрошувачите   на социјалните медиуми
Реакции од потрошувачите на социјалните медиуми – Насловна страна на каталог производи на Tinex 16.03.2013

Одлични резултати за македонскиот ајвар!

Македонски ајвар и неговиот извоз во последните 5 год. (извор – Капитал)

И покрај тоа што постојано се слушаа жалби од преработувачката индустрија извозот на ајварот успеа да порасне за 67% во рок од 5 год! Како што спомнав во некои претходни статии, ајварот како производ во Македонија е исклучително небрендиран. Меѓутоа, тој на странскиот пазар фигурира како производ кој има автентично регионално (балканско) потекло и покрај цената, ова е голем фактор поради кој го постигнува овој успех. Сепак, доколку соседите почнат да се борат за истите пазари, брендот ќе биде пресуден за останувањето во игра на македонските производители.

Интересно е да се разгледа и листата на топ 5 земји каде ајварот се извезува:

1. Србија
2. Германија
3. Хрватска
4. БиХ
5. Австралија

Доколку сакаат да го пробијат својот извоз надвор од балканските земји, или пак надвор од оние каде што има балканско малцинство, географското потекло и уникатноста на производот е она на што поризовдителите треба да обрнат највеќе внимание. Во таа насока, ајварот би требало да се промовира како деликатес и како уникатно искуство за странскиот потрошувач. Ова дозволува покачување на цената, а со тоа и ексклузивизирање на производот. Иако пласманот ќе биде значително помал од оној во Србија, Хрватска и БиХ, би се избегнала ценовната битка која се води во овие земји и нашите производители би добиле уникатна можност да го промовираат ајварот на овие пазари ексклузивно како македонски производ, фактор што на долг рок би им дал огромна предност. Оваа стратегија е веќе испробана кај извозот на нашето вино и би нашла добра примена кај ајварот со оглед на тоа што квалитетот на производите е генерално висок.

Извор: Капитал
Објавено 13 февруари 2013

Вовед во студија на случајот „Внатрешно брендирање на Рептил маркетите“

Najdobar prodavac reptil marketi
Од манифестацијата за избор на најдобар продавач на Рептил маркетите

Надворешното брендирање (визуелниот идентитет) иако е важен за општиот впечаток и пораките кои ги комуницира компанијата кон надворешноста не може да биде целосен доколку  истите вредности успешно не се имплементираат и меѓу персоналот на компанијата. Ова особено важи за бизнисите кои фигурираат во услужните дејности каде човечкиот контакт е клучен за опстанокот и успешноста на бизнисот.

Рептил маркетите имаат четири главни компаниски вредности кои се практивкуваат секојдневно од страна на нивните вработени:

1. Напорна работа
2. Најдобра услуга
3. Задоволен потрошувач
4. Прогрес

Целта на внатрешното бренидрање во случајот на Рептил маркетите е да се разбуди свеста за овие вредности кои иако секојдневно се практикуваат, за нив ретко се размислува, дискутира и ретко се земаат предвид кога се носат менаџерските одлуки.

Имајќи ја предвид услугата како главна карактеристика според која овие маркети се издвојуваат од својата конкуренција, неизбежно е компанијата да го вреднува трудот на своите вработени. Затоа компанијата реши транспарентно и јавно да го оценува нивниот труд (услуга). Оцената на трудот се верифицира на секои 4 месеци, па компанијата се реши да организира 3 вакви настани на годишно ниво.

На овие манифестации, покрај наградите ќе биде доделен беџ кој вработениот ќе има обврска да го носи се до следната манифестација. На овој начин тој ќе служи како пример за своите колеги а воедно компанијата ќе покаже пред своите потрошувачи дека услугата и нивното задоволство се нешто што во компанијата сериозно се сфаќа. На овој начин Рептил маркетите земаат еден попозитивен став кон развивање на услугата преку начинот „водство по пример“ наместо досегашното „дисциплинирање по пат на казни“.

Проблематиката на внатрешното брендирање е комплексна работа и неговото успешно спроведување е долгогодишен процес кој бара имплементација на низа различни активности. Треба да имаме на ум дека станува збор за реформа или надополнување на компаниската култура (начинот на кој работите се прават) која во овој случај вработените ја имаат градено долж 17 години.

Едукацијата на вработените за нивниот бренд, воведување на нови алатки при нивното работење, подобрување на протокот на корпоративните пораки (од горе – надолу), посочување на позитивниот пример во работењето и постојаната работа со персоналот се сериозни чекори за кои раководството треба да има зрел и сериозен пристап доколку сака својот бизнис да го доведе до точка кога тој ќе биде препознаван во околината по квалитетот на својот персонал и уникатноста на искуството што го нуди. Уникатноста подразбира искуство кое може да се најде само во една компанија и тоа искуство, потрошувачот не може да го искуси на ниедно друго место. Во оваа насока, исклучително важно е раководството да е на страната на оној чија одговорност е да го спроведе овој процес (обично некој од секторот за марктинг и секторот за човечки ресурси) бидејќи овој тим во текот на својата работа ќе се соочува со сериозен отпор од страна на вработените кои се навикнати на одреден начин на функционирање долг временски приод.

Позитивниот ефект од уникатноста на долг рок е што таа неизбежно ќе придонесе до зголемување на подготвеноста на потрошувачите да дојдат да пазарат во овие маркети, а тоа се преведува како зголемена вредност на брендот. Вредноста на брендот пак е реален економски показател кој особено доаѓа до израз при аквизицијата на еден одреден бизнис. Што поголема е вредноста на брендот – толку поголема е вредноста на бизнисот кој го поседува, преведена во пари.

Најдобрите 5 реклами од Super Bowl 2013

Бев прилично радосен што денес можев да ги прегледам сите реклами за Super Bowl (финалето во американско рагби). Многу од луѓето го сметаат овој настан како врв во американската адвертајзинг индустрија.  Има логика. Сепак, за 30 секунди рекламен простор компаниите издвојуваат 4 милиони долари. Штом се трошат волку многу средства, тогаш мора да се прават и прилично квалитетни реклами. Очекувањата се големи, но резултатите се поинакви.

Она што на кратко можев да го заклучам од рекламите е дека адвертајзинг индустријата сеуште се служи со истите трикови од 80тите и 90тите: хиперболата , хуморот и градите. Во минимум 20% реклами застапено (себе) фрлањето низ прозорци или пробивањето на ѕидови со коли, во 40% се застапени градите и во 40% е застапен лошиот хумор.

Целосната листа на реклами од Super Bowl 2013 може да ја пронајдете: ТУКА

Но, во оваа статија сакам да обрнам внимание на (според мене) успешните примери од Super Bowl 2013.

Бр.5 Fiat 500L – Sisters

Прво што се забележува во овој краток клип е позитивната и пријатна фамилијарна атмосфера. Се во врска со сценариото, кинематографијата, монтажата и симпатичниот хумор го пренесува ова. Фамилијарноста е многу важен аспект за Фиат како италијанска компанија. Тие не забораваат да ги искористат своето потекло и да ја употребат италијанската култра како карактеристика што ќе ги издвои на светскиот пазар. Во однос на почитување на сопствениот бренд, сметам дека Фијат со оваа реклама многу успешно ја има завршено својата задача за Super Bowl 2013.

Бр.4 Viva Young Taco Bell

Да се обработи концептот Geezers gone wild (старците сполудуваат) во рекламен спот уште од самиот почеток е ризична работа – темата е веќе обработувана многу многу пати. За среќа, продуцентите и режисерот на оваа реклама работата си ја завршиле многу добро. Како резултат имаме позитивна реклама чија енергичност не паѓа во ниеден момент низ целото нејзино времетраење. Оваа реклама целосно го разбира битот и културата на младите во 2013 – Taco Bell е местото каде сите завршуваме после 3те литри водка и неколкуте линии кокаин (сметам дека првичната идеја на сцената со бабата во WC беше токму тоа). Рекламата е нешто со кое што може и ние, младите во Македонија да се идентификуваме. Се прашувам како би изгледала оваа реклама доколку се направи за „Вили“ (немаме од тоа! сендвич 500ден.. и слични муабети).

Бр.3 The perfect match

Претпоставувам дека оваа реклама многумина од вас веќе ја имаат проследено благодарејќи на некои од нашите портали, и имале зошто да ја споделат. Зачудувачки е она што оваа реклама го прави со психологијата на гледачот. Ако погледнеме под површината на шокот ќе сфатиме дека истовремено во нас се одвиваат неколку емоции: збунетост, копнеж, гадење и на крај задоволство, радост и оптимизам. Гикот во оваа реклама е лик со која публиката се идентификува и преку него таа се себереализара. Рекламата е направена да функционира како оргазам (меѓу другото трае 30 секунди). Она што дополнително ме импресионира е копирајтингот. Секој кажан збор функционира безпрекорно во функција на производот што се продава, a особено последната реченица: “When sexy meets smart, your small business scores”. Интересно е да се проследат реакциите на американската публика во коментарите под овој клип и може да се забележи дека тие се прилично поделени. Бидејќи рекламата е наменета за машката популација, се прашувам какви реакции провоцирала од женскиот пол. Дали тоа ја објаснува поделбата во коментарите?

Бр.2 The Clydesdales Brotherhood

The Budwiser Clydesdales се коњи од расата clydesdale и тие претставуваат маскоти на компанијата Budwiser. Компанијата поседува околу 250 вакви коњи кои се одгледуваат на повеќе локации во САД. Овие коњи имаат особено значење за брендот на Budwiser и приказната меѓу коњите и пивото започнува во 1934 кога синот на сопственикот на компанијата ги употребил коњите за парада низ градот. Тие влечеле кочија со пивото Budwiser и со тоа го симболизирале крајот на прохибицијата.  The Clydesdales Brotherhood се всушност луѓето (кои се вработени во Budwiser) задолжени за одгледување на овие коњи. Рекламата раскажува емотивна приказна за едно мало ждребе (кое всушност е последното родено на вистинската фарма и е старо неколку недели) и неговиот одгледувач и патот кои мора да го поминат заедно во тригодишните припреми за да се спреми еден од овие коњи за влечење на почесната Budwiser кочија. За разлика од останатите реклами, овој клип централното место го отстапува на квалитетното раскажување на една приказна, приказна која е неразделен дел од брендот на компанијата. Публиката уште од самиот почеток се соживува со нејзе и на крајот да може да доживее квалитетна и суштинска емоција која како што кажав е одлично обработена. Како продолжение на оваа реклама, Budwiser им даваат можност на своите Twitter фанови на да го именуваат малото ждребе кое се појавува во првата сцена од рекламата. Проверете го хаштагот #clydesdales

Бр.1 PornHub

На прво место издвоив реклама која што воопшто не се емитуваше за време на финалето. Рекламата е во сопственост на еден од најпопуларните порно сајтови на интернет PornHub. Компанијата ја има направено оваа реклама специјално за овогодинешното Super Bowl финале, но како што веќе спомнав таа беше одбиена од страна на мрежата CBS која има ексклузивно право да го пренесува овој настан. Иако рекламата нема никакви сцени за публика над 18 и иако е скоро асексуална, образложението на мрежата е дека не е дел од нејзината политика да емитува реклами за порнографски компании. Познавачите шпекулираат дека рекламата не е ништо туку трик од страна на PornHub. Имено, сметаат дека компанијата морала да ги знае правилата и политиките на националните телевизии но сепак ја предложила оваа реклама за да привлече внимание. Генијалното во оваа приказна е што тоа навистина се случи! Рекламата е прегледана повеќе од 3 милиони пати на интернет и со тоа воедно вниманието го насочи токму на својата примарна целна група!  Оваа реклама, иако е досетлива ни од далеку не се доближува до генијалноста што е постигната „позади сцената“ во снаодливоста и откривањето на нови рути во маркетингот.

——————————————————————————————————————————————————————————–

Како за крај морам да ја споделам реклама на Мерцедес која ја сметам за најлошата од оваа сезона. Во кратки црти може да се сумира во 3 збора: „Девојка и кола“. Дефиниција  за неинвентивност. They missed a spot indeed!

Најлошите македонски слогани

Слоганот е кратка реченица која го сумира бренд ветувањето на одредена компанија или концептот на некој производ или маркетинг кампања. Тој мора да биде создаден така што на брз и ефективен начин ќе го привлече вниманието на целната група, мора да го одразува тонот на компанијата и мора да биде единствен во својата содржина т.е. да не наликува на ниеден друг слоган создаден претходно.

Како и секаде, така и во Македонија можеме да најдеме примери од успешни, но и не така успешни слогани. Оваа состојба е очекувана и природна, но сепак многу ме изненадува кога на радио или телевизија ќе слушнам исти слогани стари 15 години. Најстрашното за овие слогани е што тие обично се празни и со себе не пренесуваат никаква порака… претставуваат празно ехо во какафонијата на маркетиншки пораки.

Токму поради упорноста на некои од македонските компании (и институции) да ги користат овие слогани, одлучив да посочам неколку од нив и да објаснам зошто тие не се ефективни и зошто не носат никаква вредност за компаниите што ги користат.


Кога станува збор за промовирање на брендовите, повикувањето на искуството и традицијата е секогаш добредојдено. Во компаниската историја се крие суштината и причината за нејзиното постоење и таа може да биде многу корисна алатака за компаниската промоција.

Нажалост, многу од компаниите не знаат како да го искористат овој адут. Соочени со безизлезноста од нивната некреативност, се чини дека многу од нив преќутно се договориле да делат еден универзален слоган кој се прави по следната формула: слоган = број на години на компаниското постоење + заедно со Вас.

Да речеме дека групното користење на еден ист слоган не е толку страшно (страшно е!). Она што највеќе ме вознемирува кај овој слоган е што тој реално и нема содржина. Искуството како што реков е секогаш позитивно да се посочи меѓутоа тоа треба да се стави во вистинскиот контекст. Освен што овие компании се заедно со НАС (нивните потрошувачи/кленти) НАС не ни е јасно зошто е тоа така и каква реална корист имаме од нивното постоење.

Запомнете. Вие како компанија сте должни да го оправдате Вашето постоење на пазарот и сте должни на своите потрошувачи/клиенти да им објасните како им го олеснувате нивниот живот или како го олеснувате нивното работење. Тоа што сте одредено време на пазарот не прави разлика кај Вашите потрошувачи. Зошто реално би ги интересирало колку време постоите на пазарот? Она што е важно, и што е задачата на Вашиот слоган е да им посочи зошто треба да ве одберат Вас наспроти Вашата конкуренција. Доколку историјата и искуството се карактеристики кои сакате да ги потенцирате, тогаш тие треба да ги презентирате во соодветен контекст како на пример „Носиме насмевки на детските лица од 1968“, „Повеќе од 100 години нашите градби сведочат за нас“ итн. Мојата препорака е да се запрашате зошто постоите на пазарот и кои поволности им ги нудите на Вашите потрошувчи. Штом ги имате одговорите на овие прашања, тогаш многу лесно може да дојдете ефективен и оправдан слоган кој ќе го привлече вниманието на Вашата целна група.

Во следната статија ќе ги продискутирам слоганите: „Вашиот партнер во…“ и „Бидете дел од…“

Red Bull Stratos – a dive in a brand that propelled a company to the stars!


Once you get the hang of the main idea supporting your brand and if you have the grit to make it happen, as time passes things will have the tendency to move quite easily.

Guided by their simple yet very effective motto: “Red Bull gives you wings” the Red Bull company throughout the years succeeded to narrow down the focus of their marketing activities to a pinpoint. The story of Red Bull was never about the taste, the ingredients or the value of their product. On the contrary, it has always been about enabling people to do and achieve more.

I felt frustrated because I didn’t find out about the Red Bull Stratos project sooner. It is indeed a very ambitious undertaking which: 1. Took serious investment and 2. It took years and years of planing. Once I realized that, these two facts really excited me but not because of their magnitude and complexity. Amid the huge logistics of the project, the company never lost track of their brand and all that it stands for. Being a consumer of their marketing messages throughout the years I’ve come to a conclusion that it is crystal clear to the company what sort of activities they should endorse. It was clear for the company the last 10 years prior to this project and I believe it will remain clear for the next 10 years to come. The endorsement of such an ambitious, mammoth project would be unthinkable without a clear vision and a constant dedication to your brand.

The other thing that fascinates me about this project is that Red Bull as a company actually demonstrated the values by which it expects their target group to live by.

Historically they’ve always sponsored extreme sports and activities: F1 teams, cliff divers, extreme skiers – you name it. But this time they took it up a notch. This time, besides the financial and the reputational risk, Red Bull endorsed a project that put the life of a human being (Felix Baumgartner) on the line. This company is not satisfied with statements… They don’t stop at “Be extreme”. They are willing to walk their own talk. This kind of risky attitude solidifies the Red Bull brand as one of the strongest on the global market and it is one of the rare brands that truly operates by its own values.

To welcome risk is of crucial significance for the progress of corporations, and smaller business too. Projects such as these push the envelope and discover new ground of possibilities and creativity.

One might say that creativity is a result of unusual thinking i.e. to use the cliche: “To think creatively is to think out of the box”, but in this case there is nothing revolutionary in the way of thinking. There is no indication that Red Bull stepped out of their true nature or what they really are. They didn’t have to reinvent themselves nor search for opportunity on the outside. What happened is that they took such a deep dive in their own brand box. They dove so deep that they found something that propelled them to the stars, literally and in terms of media coverage.

From the most inner depths of their brand to the stars on the sky, this event left a such blazing trail which surely will continue to shine in the media and in our own collective memories in the times that come.

Ред Бул Стратос – падот што ја издигна компанијата до ѕвездите!

Еднаш кога ќе ја сфатите идејата позади Вашиот бренд и останете упорни во нејзината реализација,  како одминува времето, работите ќе имаат  тенденција да одат како подмачкани. Водени од своето едноставно мото „Ред Бул ти дава крилја“ оваа компанија низ годините успеа да даде  неверојатно прецизен фокус на своите маркетинг активности и има(ше) едноставна цел: да ни раскаже и покаже што би можеле да направиме доколку го консумираме овој пијалок. Приказната за Ред Бул никогаш не била за цената, не била за состојките,  ниту била за беспрекорниот дизајн. Приказната за Ред Бул од секогаш била за овозможувањето и поттикнувањето на нивните потрошувачи да направат нешто повеќе и да ги тестираат своите граници.

Жал ми е што претходно немав претходни информации за проектот Red Bull Stratos. Несомнено станува збор за многу сериозен проект во кој се вложиле многу финансии и години планирање. Овие фактори кај мене будат голема фасцинација, но не од гледна точка на менаџирањето и организацијата туку од гледната точка на некомпромитирање на брендот и постојаноста во неговото имплементирање. Може да се заклучи дека во Ред Бул е многу јасно какви маркетиншки и промотивни активности ќе се поддржат. Јасно било уште пред 10 години, а јасно е уште за минимум 10 (можеби и повеќе).  За да се поддржи проект што ќе се развива неколку години потребна е постојаност и неколебливост во својот бренд, и токму тоа е факторот што и овозможи на компанијата да влезе во проект од овој ранг.

Другата работа што ме фасцинира е што преку вакви проекти компанијата се однесува на истиот начин кој им го препорачува на своите потрошувачи. Red Bull Stratos е високоризичен научен експеримент и тоа на повеќе нивоа: финансиски, по репутацијата на компанијата и ризичен по човечкиот живот на пилотот! Ред Бул како компанија преку вакви проекти ризикува и ги тестира своите граници – исто како пилотот и научниот тим во овој проект, исто како пилотите на форумула 1, исто како скокачите од карпи – спортови во кои оваа компанија зема активно спонзорско учество. Компанијата не само што им кажува на своите потрошувачи каков однос треба да имаат кон својот живот, туку таа не се плаши ни да го демонстрира тоа. На овој начин компанијата Ред Бул целосно го живее својот бренд. Таа има бренд од 360 степени.

Учестувањето во ризични проекти е од круцијално значење за напредокот на компаниите, напредокот на брендовите и маркетингот во целина. Ваквите проекти ја прошируваат мапата на можности и мапата на креативните идеи, а креативноста е основниот принцип кој го овозможува развојот.

Ќе си речете дека креативноста е резултат на нетипичното размислување – „thinking out of the box“, но во овој случај, што се однесува до стратешкото размислување имаме многу конзервативно размислување. Ред Бул во ниеден момент не излегоа од своите навики, надвор од она што навистина се. Тие мислеа внатре во својата кутијата, но влегоа толку длабоко што добија резултат што ги однесе до ѕвездите – и буквално и според добиените маркетиншки резултати.